منتديات شباب كول

 

end ads on 5-2-2018


العودة   منتديات شباب كول > المنتديات العامه > المنتدى الاسـلامي > قصص الأنبياء والصالحين

قصص الأنبياء والصالحين { قسم خاص بالقصص الاسلاميه والشخصيات التاريخية فقط }

مش كان نفسك تبقى معاه

قصتنا النهاردة فى مدينة الكوفة هناك فى العراق بعد وفاة النبى صلى الله عليه وسلم بسنوات الصحابى الجليل حذيفة بن اليمان قاعد مع فتية من أهل الكوفة فواحد

إضافة رد
 
LinkBack أدوات الموضوع
قديم 2011-07-09, 12:11 PM   #1 (permalink)
محب جديد
 
تاريخ التسجيل: 16-11-2010
المشاركات: 46
معدل تقييم المستوى: 33
batwoman عضو علي طريق واضح ونتمني له الاستمرار
مش كان نفسك تبقى معاه

 

مش كان نفسك تبقى معاه

قصتنا النهاردة فى مدينة الكوفة هناك فى العراق بعد وفاة النبى صلى الله عليه وسلم بسنوات

الصحابى الجليل حذيفة بن اليمان قاعد مع فتية من أهل الكوفة

فواحد منهم قال : لقد رأيتم رسول الله وصحبتموه ؟

فقال حذيفة : نعم يابنى .

قال : فكيف كنتم تصنعون ؟


فقال : والله لقد كنا نجهد

كنا فى مشقة شديدة

فقال :

والله لو أدركناه ما تركناه يمشى على الأرض ولجعلناه على أعناقنا .


بيقولوا ده إحنا لو كنا معاه صلى الله عليه وسلم مش هنسيبه يمشى على الأرض , هنشيله من على الأرض شيل

فذكر له حذيفة رضوان الله عليه موقفا لهم مع رسول الله صلى الله عليه وسلم علشان يوضح له إن الحكاية مش سهلة زى ماهو فاهم

ياترى ايه الموقف ده ؟

حكى له حكايته يوم غزوة الخندق

يوم الحرب النفسية التى كانت بين المسلمين فى المدينة وجيوش الشرك تحاصرهم وبيستعدوا للقضاء عليهم وتصفيتهم

المسلمون محاصرون فى برد شديد وجوع شديد وخوف شديد

خوف ؟!! خوف ليه ؟!!

خوف بسبب الخيانة , خيانة المنافقين وانشقاق الصف الداخلى وخيانة يهود بنى قريظة داخل المدينة

خوف بسبب إنهم مش عارفين الجيوش الضخمة المتجمعة من كل القبائل واللى ناويين يقضوا عليهم ويزيلوا الإسلام من الوجود , مش عارفينهم ناويين على ايه ولا بيفكروا إزاى

وفى لحظات الرعب دى النبى صلى الله عليه قائم بين يدى ربه يناجيه ويدعوه ويتضرع إليه أن يرفع عنهم الكرب

والصحابة دافنين نفسهم فى الرمل من البرد

النبى صلى الله عليه وسلم يخلص ثم ينادى فيهم : من يأتينى بخبر القوم وهو رفيقى فى الجنة .

ومش بس كده ده النبى صلى الله عليه وسلم اشترط له الرجعة يعنى بيطمنه أنه هيرجع هيرجع

لكن الإمتحان صعب

أى نعم المكافاة مرافقة النبى فى الجنة

لكن برده الإمتحان صعب

فالنبى صلى الله عليه وسلم يرجع يصلى وبعدين يرجع لهم تانى

" من يأتينى بخبر القوم وهو رفيقى فى الجنة "

وبرده مفيش حد عايز يقوم

إلى أن قال النبى صلى الله عليه وسلم : " قم يا حذيفة "

يقول حذيفة : فما وجدت من أمر رسول الله بد

لطالما أمر يبقى لازم يطاع مفيش بُد مفيش مهرب مفيش مفر مفيش حجج وأعذار كاذبة

النبى صلى الله عليه وسلم أخبره ألا يحدث فيهم شيئا يعنى يدخل بينهم من غير ما يحسوا بوجوده وضرب على صدره فانطلق كانما يمشى فى حـمّام

خلاص معادش حاسس بالبرد

وصل هناك ودخل متخفى فى ظلام الليل وأبوسفيان قائد جيش الشرك ( قبل ما يسلم ) حس إن فيه حد غريب بينهم

فأمرهم إن كل واحد يشوف مين اللى جنبه

فبسرعة وبذكاء سيدنا حذيفة راح سأل الراجل اللى جنبه : من أنت ؟ فقال الرجل : فلان .

وبعدين سمع أبو سفيان بيأمرهم بالرحيل وفك الحصار بعد ما تعبوا من غير فايدة , وكان سيدنا حذيفة على وشك أنه يقتل أبوسفيان لأن كان على مقربة منه لكنه حفظ وصية رسول الله صلى الله عليه وسلم بألا يحدث فيهم شيئا

فانطلق إلى رسول الله صلى الله عليه وسلم وبمجرد ما دخل أحس بالبرد فأخبر النبى صلى الله عليه وسلم فأعطاءه عباءته فنام فيها

الشاهد من القصة قول الفتى الكوفى لسيدنا حذيفة رضى الله عنه : والله لو أدركناه ما تركناه يمشى على الأرض ولجعلناه على أعناقنا .



طب لو أنت كنت معاه كنت هتعمل ايه ؟!!


مش كان نفسك تبقى معاه

أنت مش كان نفسك تبقى معاه ؟!!


مش كان نفسك تبقى أنت سيدنا أبوبكر وتبقى رفيق النبى فى الهجرة وتفديه بنفسك ومالك ؟!!

ومش كان نفسك تبقى أنت طلحة بن عبيد الله وتحمل النبى صلى الله عليه وسلم والمشركين بيطاردوه فى غزوة أحد ؟!!

وأنتى مش كان نفسك تبقى أم عمارة وتدافعى عن النبى صلى الله عليه وسلم يوم أحد فيقولك : من يطيق ما تطيقين يا أم عمارة ؟ ويقولك : تمنى يا أم عمارة . فتقولى له : نتمنى رفقتك فى الجنة يا رسول الله ؟!!

كان نفسنا كلنا لكن للأسف إحنا......












مننفعش

أيوه مننفعش

ربنا اختار الصحابة للنبى صلى الله عليه وسلم لأن قلوبهم أطهر قلوب زى ما سيدنا عبدالله بن مسعود قال : إن الله نظر في قلوب العباد فوجد قلب محمد خير قلوب العباد فاختاره لرسالته ثم نظر في قلوب العباد فوجد قلوب أصحابه خير قلوب العباد فاختارهم لصحبته

عرفت متنفعش ليه تبقى صحابى لأنك مكنتش هتقدر تتحمل الجهد والمشقة اللى بذلها هذا الجيل الفريد , الجيل اللى مهدوا طريق الإسلام بدمائهم ورفعوا راية مجده على جماجمهم

أنت بأه عملت ايه لحبيبك صلى الله عليه وسلم ؟

قدمت ايه لدينه ؟ بذلت ايه لنصرته ؟

بيستهزئوا بيه وبيعملوا مسابقات علشان يسخروا منه وإحنا مضيعين سنته ومش ملتزمين بدينه

لو وقفت قدام قبره هتقدر ترفع راسك ؟!

عارف تنام وحبيبك يهان ويستباح عرضه ونحن نخوض ونلعب ؟!

مش مطلوب منك تبقى صحابى

لكن مطلوب منك الأخف من كده

النبى صلى الله عليه وسلم وأصحابه بذلوا وضحوا وتعبوا علشانك

علشان أنت تطلع مسلم تقول لا إله إلا الله محمد رسول الله

المطلوب منك إنك متنساش القضية وتبيع تعبهم وتضحى بسنة النبى وهديه علشان شهواتك وأهوائك

يا اللى كان نفسك تبقى صحابى مش مطلوب منك إلا إنك تكون مسلم على حق وتلتزم بدينك وتشهد للإسلام شهادة عملية على أرض الواقع

هتحمل أمانة الدين وهتبقى راجل زيهم ولا هتفرط ؟!!

ياترى هتبقى قدها ؟

\
/
\
/
\
/
\
/




batwoman غير متواجد حالياً   رد مع اقتباس
قديم 2011-07-10, 01:04 PM   #2 (permalink)
مشرفه
 
الصورة الرمزية نـورهـ
 
تاريخ التسجيل: 04-07-2011
المشاركات: 2,478
معدل تقييم المستوى: 38
نـورهـ عضو علي طريق واضح ونتمني له الاستمرار
افتراضي رد : مش كان نفسك تبقى معاه

شكرا لك اختي

يقف القلم عاجزا عن الشكر لكل ما تخطه يداك في هذا المننتدى


واصلي تألقك وشكرا لك
نـورهـ غير متواجد حالياً   رد مع اقتباس
قديم 2011-07-10, 07:51 PM   #3 (permalink)
محب جديد
 
تاريخ التسجيل: 16-11-2010
المشاركات: 46
معدل تقييم المستوى: 33
batwoman عضو علي طريق واضح ونتمني له الاستمرار
رد : مش كان نفسك تبقى معاه

جزاكى الله كل خير على المرور

والشكر كل الشكر أختى لمن خط بيده هذه الكلمات فعلا فأنا مجرد ناقل لهذا الخير لا أكثر

وإن أردتم بالفعل قراءة شئ من قلمى المتواضع فسوف أطرحه هنا

عسى أن أكون على قدر هذا الشكر

بوركتى ورفع الله قدركى
batwoman غير متواجد حالياً   رد مع اقتباس
قديم 2014-01-16, 07:59 PM   #4 (permalink)
محب جديد
 
تاريخ التسجيل: 16-01-2014
المشاركات: 16
معدل تقييم المستوى: 20
خالدالفلسطيني عضو علي طريق واضح ونتمني له الاستمرار
افتراضي رد : مش كان نفسك تبقى معاه

جمــيـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــل جداً
خالدالفلسطيني غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
معاه , نفسك , تبقى , كان

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
علاج الوسوسة homeahmed المنتدى الاسـلامي 4 2010-12-25 05:17 PM
القسيس الامريكي الشهير الذي أسلم عند مشاهدته لأحمد ديدات(قصة حقيقة) aly3esa الصوتيات والمرئيات الاسلاميه 0 2010-11-27 10:22 PM
أمور يجب الحذر منها تتعلق بالنبي صلى الله عليه وسلم : homeahmed المنتدى الاسـلامي 3 2010-09-27 11:33 PM
آداب قيام الليل homeahmed المنتدى الاسـلامي 1 2010-09-19 05:07 AM
100 سنة ثابتة axel المنتدى الاسـلامي 3 2010-09-08 01:42 PM


الساعة الآن 09:33 PM


Powered by vBulletin® Copyright ©2000 - 2018, Jelsoft Enterprises Ltd.
SEO by vBSEO 3.6.0 PL2 TranZ By Almuhajir
دعم Sitemap Arabic By